GURO RRAPO ZENELI

Publicist

            Llindi në Fterrë më 1939, mbasi mbaroi arsimin fillore në fshatin e tij, vazhdoi shkollën deri sa  mbaroi Universitetin e Tiranës.

            Gjithëmonë ka punuar me përkushtim e zell të veçantë, me korektësi e aftësi të rralla, me dëshirë të jashtëzakonëshme për tu bërë vetëm mirë njerëzve. Kudo ku punoi e jetoi, u shqua në të gjithë drejtimet. Për familjen ka bërë shmë më tepër se çdo prind.

            Fteriotët e njohin si një nga bijtë më të mirë të tyre, që ka ndihmuar fshatin dhe bashkëfshatarët, u ka qëndruar pranë në halle e nevojë dhe ka zgjidhe mjaft probleme të tyre.Është vështirë të gjesh ndonjë vepër të bërë në Fterrë që të mos ketë brenda ndihmesën dhe kujdesin e Guros.

            Gurua është ndër nismëtarët kryesorë të botimit të gazetës Fterra jonë dhe njëkohësisht shtylla kryesore e saj. Ai ka shkruar mjaft artikuj, skica, intervista, reportazhe, etj. Për Fterrën e fteriotët, në të cilat pasqyrohet mirësia që ka në shpirt Gurua ynë i dashur.

            Në përvjetorin e 60-të të lindjes së tij, në shënjë respekti e dashurie të veçantë për të, përmblodha gjithë shkrimet që ka bërë në gazetën Fterra jonë që nga numri i parë i saj, maj 1996, deri sot, tetor 1999, respektivisht numrit 1-16.